Бидний тухай
Байгууллагын тухай
Орхон аймгийн Теле камерын хяналтын дэд төв нь 2019 онд байгуулагдсан бөгөөд анхандаа 127 камертай хүлээн авч, өнөөдрийн байдлаар 1473 камер бүхий Эрдэнэт хотын камержуулалтын нэгдсэн сүлжээг удирдан ажиллуулж байна.
Манай үүрэг
Дэд төв нь Эрдэнэт хотын нийтийн хэв журмыг хамгаалах, замын хөдөлгөөний аюулгүй байдлыг хангах, гэмт хэрэгтэй тэмцэх үйл ажиллагааг дэмжих зорилгоор цэргийн болон аюулгүй байдлын байгууллагуудтай нягт хамтран ажилладаг.
- Эрдэнэт хотын камержуулалтын нэгдсэн сүлжээний тасралтгүй ажиллагааг хангах
- Авто замын гэрлэн дохионы хэвийн ажиллагааг хянах, удирдах
- Цагдаагийн байгууллагад цахим эргүүл, хяналтын дэмжлэг үзүүлэх
- Камер, сүлжээний тоног төхөөрөмжийн засвар үйлчилгээг гүйцэтгэх
- Хотын камержуулалтыг өргөтгөх, шинэчлэх ажлыг хэрэгжүүлэх
Удирдлага ба баг
Манай байгууллагыг Н.Гансүх дарга тэргүүлэн нийт 11 албан хаагч өдөр бүр хот даяар ажиллаж байна. Инженер техникийн мэргэшсэн боловсон хүчин нь камерын монтаж, сүлжээний тохиргоо, засвар үйлчилгээг бие даан гүйцэтгэх чадавхтай.
Өнөөдрийн байдал
Дэд төв нь 7 уулзварын гэрэлтүүлгийн дохиог бодит цагт удирдан зохион байгуулж, 1100 гаруй камер-ыг тасралтгүй хянан ажиллуулж байна. 2026 оны эхний хагас жилд давхардсан тоогоор 989 камер засварлан хэвийн ажиллагаанд оруулж, 25 орчим км шилэн кабел шинэчлэн суулгасан байна.
Ирээдүйн зорилт
2026 онд 609 сая төгрөгийн хөрөнгө оруулалтаар Баян-Өндөр сумын 26 багийн харанхуй цэгүүдэд 103 шинэ камер суурилуулах ажил эхэлсэн бөгөөд ажил бүрэн дуусахад нийт 1576 камертай болох юм.